Harkaitz zozo urdina (Monticola solitarius)

2023ko Maiatzaren 8

Belatz handiak zaintzen ibili naiz azken asteotan. Ez dakigu zein arrazoigatik zehazki baina tamalez aurten ere kale egin dute Atxarteko bikoteak.

Ordu asko igaro ditut urrutitik teleskopioaz jarraipena egiten eta tarteka inguruko beste hainbat espezie ere ikustea tokatu zait.

Horietako bat, harkaitz zozo urdina. Ez dut askotan ikusten baina oso gogoko dudan hegaztia da. Garai honetan, arrak oso urdin dotorez jantzita egoten dira. 

Egun euritsuen aurretik agertzen zen azken arratsalde eguzkitsu bat aprobetxatuz, bere bila irten nintzen eta pazientzia eta zorte pixkat batekin, gustoko emaitza lortu nuen.