BLOGA

Bialowiezan, bisonteen atzetik

2024ko Apirilaren 5

Oso pozik NAIZ hedabidearen Bidaiari aldizkariaren Apirileko zenbakian nire Poloniako Bialowieza Parke Nazionaleko kronika argitaratuta ikusteaz.

Web bertsioa ikusi nahi izan ezgero, hementxe esteka:
https://www.naiz.eus/eu/hemeroteca/bidaiari/editions/bidaiari_2024-04-05-07-00/hemeroteca_articles/dzien-dobry-bialowieza

Apirileko ale osoa ikusi nahi izan ezgero, hementxe:
https://www.naiz.eus/es/hemeroteca/bidaiari/editions/bidaiari_2024-04-05-07-00/sections/1

Bisonteen bideotxo bat ere egin nuen bere garain. Hementxe uzten dizuet.

haITZ-ENARAK

2024ko Martxoaren 20

Udaberrian gaude jada eta Urkiolako Haitz-enarak jo eta su dabiltz lokatza batzen beren habiak egiteko edo konpontzeko.

Debagoiena aldean Sandaili-txori deitzen zaio. Araotz aldetik datorkion izen berezia.

Nahiz eta migratzailea den eta beste enaren antzera hegoalderantz joaten den, urte osoan aurkitu ditzazkegu gure artean bateren batzuk.

Hegan oso habilak dira eta Belatz haundiak ehizatzeko saiakerak egin arren, asko kostatuko zaio hegazti bizi hau harrapatzea.

Informazio gehiago: https://eu.wikipedia.org/wiki/Haitz-enara

Haitz-enara (Ptyonoprogne rupestris)

harkaitz txoria

2023ko Azaroaren 1

Aurten ere etorri da harkaitz txoria Mugarrara eta ez bakarrik. Gutxienez bi badaude eta hiru daudela ere badiote.

Badamakizkit igoera bat baino gehiago harkaitzetako malabarista honen atzetik baina aurrekoan zorteko izan nintzen.

Paretaren behekaldean dagoen harri bloke batek dauzkan zuloetan pilatutako uretan bainua hartzen ikusi nuen.

Aurrena bere buru atontzen ibili zen pixkat eta ondoren putzura sartu zen. Pixkat gerturatzen utzi zidan argazki hautxek ateratzeko.

Harkaitz txoria (Tichodroma muraria)

Lepahoria

2023ko Irailaren 14

Mekoleta ingurura joan nintzen katagorrien bila. Basoan buelta batzuk eman eta gustoko txoko bat aurkitu nuenean, bertan pasatu nuen ia goiz osoa ea aukeraren bat tokatzen zitzaidan.

Perretxikotan zebilen jendea besterik ez nuen ikusi eta irteera emaitzik gabe geldituko zelakoan, bueltako bidea hartu nuen kamera eskuan nuela.

Eguardiko ordubata zen dagonekoz eta Douglas izeiak dauden baso batetik noala, zuhaitzaren atzera lurretik salto eginda zerbait igotzen zela igarri nuen. Azazkalen zaratek zuhaitzean gora egiten duten zaratek garbi adierazten zuten zerbait neukala enborraren atzean.

Kamerarekin geldirik gelditu nintzen ea zer agertzen zen itxaroten. Katagorria dudarik gabe baina burua atera zuenean, beste tamaina bateko animalia zela ikusi nuen. Belarriak ere biribilagoak katagorriarenak baino.

Gorputz osoa atera zuenean konturatu nintzen lepahoria zela. Zuhaitzean gora ihesi, geldialdiak egiten zituen aurrean zuenari begiratzeko.

Izeiaren goialdera igo zen eta hantxe gelditu zen. Ez zeukan beste inora joaterik eta neuk behean itxaron nion jetxi zen arte. Tarte nahikoa eman nion jeisteko konfidantza izan zezan baina ordu erdi bat tardatuko zuen gutxi gora bheera, buruz behera jetxi eta basoan zehar ezkutatu zen arte.

Aurreneko argazkia, zuhaitzean gora zioanean egindako geldialdi batean ateratakoa da eta bigarrena ia lurrera jetxi aurretik egin zuen geldialdian neuri egindako azken begiradan.

Lepahoria (Martes martes)

HARKAITZ ZOZO gorria

2023ko Ekainaren 25

Aurretik ikusita neukan arren, oso zail egiten zait hegazti hau topatzea. Aurten aurrenekoz ikusi nuen kasualitatez eta hurrengo asteetan inguruko baztar guztiak aztertzen ibili nintzen.

Baina alferrik. Arrastorik ez.

Juankarrekin hitzegiten ari nintzela, honek informazio oso baliogarria pasatu zidan eta asko pentsatu gabe, esandako lekura joan nintzen.

Aurrenekoan, eguzki galdatan topatu nuen eta emaitzarekin konforme ez eta, hurrengo goizean berriro saiatu nintzen.

Harkaitz zozo gorria (Monticola saxalitis)

HARKAITZ ZOZO URDINA

2023ko Maiatzaren 8

Belatz handiak zaintzen ibili naiz azken asteotan. Ez dakigu zein arrazoigatik zehazki baina tamalez aurten ere kale egin dute Atxarteko bikoteak.

Ordu asko igaro ditut urrutitik teleskopioaz jarraipena egiten eta tarteka inguruko beste hainbat espezie ere ikustea tokatu zait.

Horietako bat, harkaitz zozo urdina. Ez dut askotan ikusten baina oso gogoko dudan hegaztia da. Garai honetan, arrak oso urdin dotorez jantzita egoten dira.

Egun euritsuen aurretik agertzen zen azken arratsalde eguzkitsu bat aprobetxatuz, bere bila irten nintzen eta pazientzia eta zorte pixkat batekin, gustoko emaitza lortu nuen.

Harkaitz zozo urdina (Monticola solitarius)

miru gorriak aloñan

2022ko Abenduak 23

Lanetik irten eta Jorge lagunarekin igo nintzen Aloña aldera.

Arratsalde pasa izango zelakoan, ikuskizuna izan genuen aurrean. 20 bat miru gorri inguru zebiltzan ehizan jo eta su.

Aurrera eta atzera belardien gainetik eta noizik eta behin, lur hartuz intsekturen bat hartzeko, segidan berehala hegan irtenez.

Iparraldetik neguan etortzen zaizkigun taldetxoren bat izango zela pentsatu gendun, ondorengo hilabetetan ez bait da ikusten hainbestu miru. Pasean zeudenak izango ziren Oñatiko mendi belardietan janaldia eginez, indarrak hartuz.

Miru gorria (Milvus milvus)

Luma argidun Miru gorria (Milvus milvus)

Lurrean intsekturen bat harrapatzen (Milvus milvus)

Miru gorria (Milvus milvus)

HARKAITZ TXORIA

2022ko Azaroak 5

Aurreko egunean Gorkak abixatu zidan belatz haundia ikusi zuela Urkiolako paraje batean. Lehen ere askotan ikusita baina aspaldian kasu haundirik egin gabe neukanez, eta imanak tiratuta bezala, hurrengo egunerako plana zuzenean egin nuen.

Epel eguzkia atera zeneko lehen orduan baina hotz itzalpean geldirik egon nintzen gainontzeko orduetan.

Belatz handia ederki ikusi nuen baina ezusteko bisitari bat izan nuen nire ezkutalekutik hiruzpalau metrotara: harkaitz txoria.

Negu partean izaten dugu bisitari Urkiolan eta niretzako, eztei lumak dituenean baino politagoa orain daramakin papar txuri horrekin.

Harkaitz txoria (Tichodroma muraria)

itxas txoriak

2022ko Uztailak 23

Lekeitioko Kulixka itxasuntzian irteera egin genuen dozena bat lagunek pasa den Uztailean.

Helburua, Ekaitz txoria zen eta bai lortu ere. Dexenteko kuadrilla agertu zitzaigun kostatik 21 millatara.

Bidean ere, ez ginen batere aspertu: izurdeak, hegamotzak, gabaiak, zangak...

Hona hemen, egun hartako muestra txiki bat.

Ekaitz-txori txikia (Hydrobates pelagicus)

Gabai arrea (Calonectris diomedea)

Gabai handia (Puffinus gravis)

MIROTZ URDINA

2022ko Uztailak 9

Arabako lautadako gari, garagar eta olo soroak ditu gogoko Mirotz urdinak. Habia soroan bertan lurrean egiten du eta horren ondorioz gaur egun egoera ahulean dagoen espezie bat da. Uztak jasotzeko makinariak alde batetik eta gainontzeko basurde, azeri eta beste harrapari askok ere galdu erazi egiten dizkie beren txitaldia.

Arturo bezalakoek beren zaintzan egiten duten ezinbesteko lanari esker egiten dute aurrera askok.

Mirotz urdina (Circus pygargus)

Mirotz urdina galeper txito bat ehizatuta (Circus pygargus)

UGATZAK ETA BASURDEAK

2022ko Martxoak 26

Urte batzuk azkenengo aldiz joan nintzela eta baneukan gogoa Ordesa aldera joateko.

Helburu nagusia ugatzak eta sarrioak ziren baina nahiz eta sarrioak ikusi, ez nituen elurretan topatu nik nahi bezala. Elurra 2000 metro ingurutik gora zegoen eta sarrioak belarretan beherago zebiltzan. Haien gustoko argazki gabe bueltatu arren, pozik etorri nintzen hainbat ugatz ikusi eta gero.

Opari bezala, basurde kuadrillatxo bat topatu nuen ardien pare belarra jaten zelaian.

Basurde gaztea (Sus scrofa)

Ugatz gaztea (Gypaetus barbatus)

Ugatz heldua(Gypaetus barbatus)

ITSASTXAKURRA

2022ko Urtarrilak 22

Bizkaiko herritxo baten portuan itsastxakur gris gaztetxo bat zebilela abixatu zidan Gorkak. Hurrengo goizean goiz irten nintzen etxetik eta hantxe negoen aurrena.
Eguna altxatu eta ez zen ezer ageri baina halako batean, berdel bat janez agertu zen.

Ondoren, gustoko zuen portuko ranpara atera zen goizeko eguzki epeletara eta nahi haina argazki egiten utzi zidan. Ez zen gizakien beldur eta horrek ere ez zion ezer onik ekarri. Handik egun pare batera, irentsitako amu baten ondorioz, amaitu zitzaizkion gaztetxo honi eguzki epeletako egonaldiak.

Itsastxakur grisa (Halichoerus grypus)

2022ko egutegia

2021ko Abenduak 2

Azkenean animatu naiz eta neure aurreneko paretan eskegitzeko egutegia argitaratu dut. A3 formatuan, hilabete bakoitzeko orrialde batekin.

Eskuratzeko, bidali eskaera kontaktuko orritik.

ELURRETAN ARABA ALDEAN

2021ko Azaroak 28

Azken egunetan egin duen elurra ikusirik, Arabako lautadara hurbildu nintzen ea zerbait topatuko.

Txori txikiek nahiko larri ibiltzen dira janaria topatzen baina elur gutxiago dagoen tokian, batzutan iristen dira aurreko uztatik lurrean dauden gari eta garagar aleetara. Hemen ondoan Txinpiña hegan ale bat mokoan duela.

Orkatz bat ere, ihesi ikusi ahal izan nuen. Ohikoa izaten den moduan, berak ni lehenago igarri ninduen eta zaunka eginez salatu ninduen.

Txonda arrunta (Fringilla coelebs)

Orkatza (Capreolus capreolus)

Hesi berdantza (Emberiza Cirlus)

sai zuria

2021ko Maitzak 15

Arratsaldea aurrera doa eta lainoa sartu da bailaran baina tontorretik gertu oraindik argi nahiko dago. Aurreko egunean ikusi nuen saizuri bati itxaroten damazkit azken orduak. Segidan, ezerezetik agertzen da aurrekoan bezalaxe kasi ordu berean. Ez dauka sai arreek duten pixurik eta abila da gustoko duen harkaitzera jeisten astiro eta zehaztasunez.

URUBIA

2021ko Apirilak 24

Bere uluek adierazten duten moduan, ilunabarra gainean da. Pagadian dauden lursagu guztiek aukera emango diote ehizarako eta goizaldera, adar batetan lotan geldituko da ia ikustezin bihurtuz. Oraingo honetan, adar batean aurkitu det begirada ezin kendurik zihurrenik lurrean dabilen mikrougaztunen bati.

HARKAITZ TXORIA

2021ko Martxoak 13

Gorkak esandako Untzillatx mendiko magaleko lekura joan ginen ea harkaitz txoria ikusten genuen. Azkena ere, berakin batera ikusi ahal izan nuen Mugarran baina oraingoan Atxarte inguruan beste bat ikusi eta dotore argazkitan jaso ahal izan zuela ikusirik, neu eta beste lagun bat animatu ginen bertara joatera.

Ez zen segidan agertu eta mendian gora egin beharra izan genuen topatzeko. Ondorengo minutuak nahiko eroak izan ziren: bera nora, gu ahal genduen neurrian ere bere atzetik. Egia esan, ez dira oso anka leku erosoak aurrera atzera ibiltzeko Untzillatxeko irripa malkartsuak.

Argazkiak ez dira oso txukunak baina txoria bera hain polita izanik, beti laguntzen du emaitza pixkat hobetzen. Laister desagertuko dira Urkiolatik eta hurrengo negu alderarte ez ditugu ikusi ahal izango.

OKIL BELTZA

2020ko Azaroak 22

Buruan neukan aurtengo helburuetako bat zen. Otsailen ikusi nuen aurreneko aldiz. Ikusi aurretik, entzun egin nuen eta oso nabarmena den bere soinu horrekin handik zebilela jakin izan nuen. Aurreneko argazkiak, urruti xamar izan ziren eta ordu ezgeroz, beste pare bat aldiz izan ezik, ez nuen aukerarik izan berriro ikusteko.

Urriaren hasiera aldera beste pagadi batetan nebilela, oso gertutik hegan irten zen eta neure aurrean izan nuen pare bat minutuz. Ingurunea ondo aztertuz eta behin eta berriz bertaratuz, azkenik bere joerak zeintzuk diren ikasi izan nuen. Jarraipen horri esker, azkenean okil beltz ar eder honen argazkia ateratzeko aukera izan det. Kostata baina azkenean!

ORROALDIA GORBEIAN

2020ko Irailak 24

Goizeko 4:30tan gora. Debekatutako ingurunera sartzeko baimena gainean eta argazki kamera, tripode eta kamuflairako behar den guztia motxilan.

Ilunpean ordu eta erdi mendian gora, eta azkenean, eguna argitu aurretik neure lekuan prest. Orruak alde denetatik. Eguzkia atera eta bi edo hiru ordu barru, orein guztiak ezkutatzen dira baina gaur bat jo eta su dabil orruka. Basoan bestaldean entzuten da.

Gauzak jaso eta kotxerantz habiatu aurretik, basora sartzen naiz ea orruen jabea ikusten dudan. Garo arten ikusten det ar haundi bat eta basoaren eskinaraino hurbiltzen naiz kamuflai naturala aprobetxatuz. Ez da ohartzen. Berean darrai. Dagoenekoz inguruko azkena da baina ez du etsitzen. Orru eta orru. Nekeak jota, tarteka etzan egiten da. Bideoan ere grabatzeko aukera ematen dit.

Bere horretan uzten det eta trasteak jasota, beherantz noa kotxera, irribarre batekin pozik.

ZAPELATZ LIZTORJALEA

2020ko Abuztuak 22

Batzutan topaketa pozgarriak izaten dira eta horrelaxe gertatu zitzaidan zapelatz liztorjale honekin.

Aurrez aurre aurkitu nintzen berarekin eta horrelakoetan izaten dituzun segundu gutxi horiek aprobetxatu ahal izan nituen rafagatxo bat botatzeko.

falco peregrinus II

2020ko Uztailak 25

Berriro zorte oneko izan naiz. Oraingoa heldua bere harrapakinarekin. Mokoan duen aragi zatiak eta harrapakinak bere hatzaparretan daukan egoera ikusirik, badirudi aurrez bera jaten ibili dela.

Harrapakina guztiz lumatuta zeukan eta nahiz eta umeei deika ibili den, inor ez zaio gerturatu eta hegan alde egin du beste Urkiolako beste aitz puntaren batera.

Ordu asko pasa behar dira horrelako aukerak izateko, baina benetan merezi izan du.

KAMERA TRANPA

2020ko Uztailak 16

Joxemarik emandako abixuari jarraituz, kamera tranpa jarri nuen astebetez Zeraingo txoko batean. Ez nuen gauza haundirik espero baina basafauna pilo bat aurkitu nuen kameran txartelean. Toki honek badauka benetan eskeintza. Ea etorkizunean zerbait txukuna egiteko gai garen.

falco peregrinus I

2020ko Maiatzak 24

Izugarriak dira belatz handiak. Oraingoan, Urkiolako aitz puntetako batetan familia osoa ikusteko aukera izan nuen eta bideoan ere grabatzeko unerik ere atera izan nuen.

Beti gogoan mantenduko ditudan oroitzapenak izango dira. Zihur.

PICUS SHARPEI

2020ko Maiatzak 20

Zorteko izan naiz aurten. Hain izua den okil berde bikote baten habia aurkitu det eta txitoak aurrera nola ateratzen dituen ikusi ahal izan det. Ez dira horrelako aukerak egunero suertatzen.

SALTICIDAE

2020ko Maiatzak 9

Baneukan ehiztari txiki honi argazkia ateratzeko gogoa. Azkenean topatu det bat eta etxean nuen orkidea baten gainean jarri det. Ez da geldik egotekoa eta asko kostatu zait baina emaitzarekin nahiko gustora gelditu naiz.

Nire 35mm lentea eta eraztun inbertsorearekin egindako makro argazkia.

saturnia pyri

2020ko Apirilak 28

Gaur lanera sartzean, lankide batek horrela esan dit: "Ikusi zelako tximeleta!". Eta egia benetan. Saturnia pyri espezieko gau tximeleta bat zen eta diotenez, Europako intsektu eta tximeletarik haundiena.

Arratsaldean, etxera joan aurretik, argazki saio bat egin det eta bere hegalaren gertuko detaile hau atera ahal izan det.

uR ZOZOA ATONTZEN

2020ko Martxoak 1

Azken urteotan bezala, joan naiz ea Mañari errekako ur zozoen bila eta bikote bat ikusi ahal izan det. Hauetako bat, bere burua ondo atontzen laister hasiko bait dira estalaldiarekin. Ea aurten txitoak ikusteko aukerarik dudan.